🏄Blog diario del campamento Virxe de Loreto 2025 Quenda 1.🏄

Día 1: ¡Chegadas!

Emoción, primeiras amizades, miradas coñecedoras. Todo isto mentres pola mañá fixemos xogos de presentación e recibimos a todos os participantes.

Chegamos, os participantes coñecen aos monitores e aos seus novos compañeiros de aventura, coñecen o campamento e as instalacións que serán a súa casa durante os próximos 10 días.

Antes do xantar, todos os participantes recentemente chegados reciben as normas básicas do campamento e as instrucións para acceder ao comedor e manter a orde durante o resto do día.

Pola tarde, terá lugar a Expedición Virxe do Loreto, onde deberán converterse en verdadeiros exploradores e descubrir cada recuncho do campamento con moito detalle, facendo preguntas a varios instrutores expertos.

Despois dun petisco ao comezo da nosa prueba de nado, os instrutores acuáticos observarán as habilidades dos participantes na auga e asegurarán que poidan participar con éxito nas actividades acuáticas durante o resto da quenda.

Pola noite, despois da cea, celebrarase a nosa Noite Veterinaria, onde deberán adoptar un animal ferido entre todos os que viven nas nosas instalacións e gañar puntos para o seu equipo se conseguen recuperar a súa saúde.

Rematamos o día cunha historia contada polos instrutores e recargamos as pilas. ¡Mañá será un día ben atarefado!

Día 2: Comezo das rotacións

O segundo día no campamento foi o auténtico punto de partida: con máis confianza, os nervios xa algo atrás e moitas ganas de vivir aventuras. Ás 8:30 soou o despertar ao campamento, e en pouco tempo os rostros soñolentos foron dando paso a sorrisos e movemento.

No almorzo, comezamos a organizar as mesas e poñer as pulseiras identificativas, mentres cada grupo se preparaba coidadosamente para a xornada. Despois de lavar os dentes e revisar que todo estaba listo… chegou o momento de algo importante: o simulacro. Porque a seguridade tamén forma parte da experiencia, e aprender a actuar con calma e orde é unha gran lección que tamén levamos posta.

Ás 10:00 arrincaron as actividades da mañá:

• O Grupo 1 lanzouse á auga cunha sesión de kaiak, remando en equipo e gozando do mar cunha nova perspectiva.

• O Grupo 2 viviu a súa primeira sesión de Ondaxe, aprendendo a moverse entre as ondas e descubrir a forza da natureza con respecto e diversión.

• O Grupo 3 enfrontouse aos seus primeiros retos de escalada, superando medos, gañando confianza e celebrando cada paso na rocha.

• O Grupo 4 colleu as bicicletas e percorreu os camiños do contorno, entre esforzo, natureza e moitas risas.

Ademais, pola mañá recibimos a visita das principais personalidades institucionais que fan posible esta campaña de verán: o conselleiro, a directora xeral de xuventude, o alcalde do concello e a xerente da nosa empresa organizadora, Marexada. Compartiron con nós un espazo de diálogo moi enriquecedor xunto coa dirección, o equipo de administración e todo o persoal do campamento. Foi unha oportunidade para amosar o noso traballo e reforzar o compromiso coa educación, o lecer e o benestar xuvenil.

Antes do xantar, os monitores e monitoras de garda comeron un pouco antes para deixar todo listo para a entrada dos grupos. Mañá, cada monitor tomará nota das persoas sentadas nas súas mesas, comezando a reforzar así o coidado individualizado que queremos ofrecer.

Ás 14:10 tocou comer, comezando polas persoas con dietas específicas. A organización foi fluída, grazas ás indicacións dos monitores de garda, que controlaban os tempos de saída por filas e o acceso ao comedor. Logo, o aseo e o tempo de descanso libre axudaron a recargar pilas.

Ás 16:00 comezou a actividade da tarde, con novos retos e rotacións:

• O Grupo 1 participou nunha sesión de supervivencia, aprendendo a orientarse, coidar do grupo e utilizar recursos da natureza.

• O Grupo 2 volveu ao kaiak, aproveitando a tarde para mellorar técnica e explorar outras zonas do litoral.

• O Grupo 3 gozou dunha nova sesión de Ondaxe, afianzando habilidades sobre a táboa e compartindo moitos momentos de conexión coa auga.

• O Grupo 4 continuou coa escalada, un reto que engancha desde o primeiro metro subido.

Tras o remate das actividades, chegou o momento das duchas, momento tamén para relaxarse e desconectar un pouco antes da cena.

Ás 21:30 tocou un merecido tempo libre, onde algúns aproveitaron para compartir, debuxar ou simplemente estar tranquilos, mentres o campamento se preparaba para a noite.

A velada de hoxe foi especialmente emocionante: celebramos unha auténtica velada ninja, onde o misterio, o sigilo e a diversión en equipo foron os ingredientes principais. Os rapaces tiveron que moverse con astucia pola noite, resolvendo retos e superando probas por parellas… sen ser descubertos!

E como sempre, o peche do día veu da man dun conto nocturno, esta vez narrado por Cristian, que nos guiou con palabras suaves cara ao descanso.

Ás 00:00, escoita e deitarse. Silenzo, calma… e unha morea de historias que xa forman parte desta aventura compartida.

Día 3.

Comezamos o venres coas pilas ben cargadas. Un bo almorzo puxo a todos os motores en marcha antes de saír cara a outra xornada de aventuras.

Ás 9:30 activamos o corpo e a mente co noso xa clásico Activa-T, ese momento cheo de ritmo e alegría que prepara o ambiente para as actividades da mañá. Logo, cada grupo partiu ao seu reto particular:

• O Grupo 1 viviu unha emocionante sesión de escalada, poñendo á proba forza, equilibrio e superación persoal en contacto directo coa rocha.

• O Grupo 2 gozou dunha saída en bicicleta, pedalando por sendeiros rodeados de natureza e aire limpo.

• O Grupo 3 tivo unha alternativa de kaiak, navegando con tranquilidade e perfeccionando o manexo da pala.

• O Grupo 4 meteu os pés na auga e a adrenalina nas veas cunha sesión de Ondaxe, onde a coordinación e o equilibrio foron fundamentais.

Mentres os grupos estaban nas súas actividades, as monitoras e monitores de garda encargábanse de que todo fluíse ben e de preparar as rotacións para a tarde, anunciadas ao rematar a comida.

Tras o peche das actividades da mañá, tocou xantar e repoñer forzas. Logo veu o momento do aseo e o tan esperado tempo libre, que hoxe incluíu tamén un anaco para revisar os móbiles e conectar con casa.

Ás 15:50, volvemos co Activa-T, para ir sacudindo a modorra da sobremesa e encamiñarnos cara á segunda metade do día.

Polas tardes, os grupos fixeron un intercambio de experiencias para vivir novas aventuras:

• O Grupo 1 cambiou de praia pero non de enerxía, coa súa sesión de Ondaxe, na que seguiron afinando movementos entre as ondas.

• O Grupo 2 continuou coa Escalada, subindo novos retos e compartindo estratexias para mellorar en equipo.

• O Grupo 3 viviu unha intensa actividade de Supervivencia, aprendendo técnicas básicas para orientarse, coidar do grupo e facer fronte a imprevistos no monte.

• O Grupo 4 regresou ao mar co kaiak, desfrutando dunha travesía na que a natureza, a coordinación e o traballo en equipo foron protagonistas.

Ao rematar, unha ducha refrescante (con especial atención a certos detalles importantes do campamento 😉) deu paso á cena, onde o ambiente era unha mestura de cansazo feliz e conversas sobre o mellor do día.

Pola noite, tivemos un espazo de tempo libre e buzón, onde os rapaces puideron expresarse, compartir emocións e deixar mensaxes para o grupo.

A velada puxo a guinda final a este venres, con xogos e actividade nocturna antes do xa clásico conto, contado esta vez por unha monitora moi querida, que nos axudou a baixar o ritmo e prepararnos para soñar en paz.

Día 4

Hoxe foi un día cheo de enerxía, exploración e momentos para gardar na memoria. Comezamos a mañá cun almorzo ben completo, mentres o grupo do raid se organizaba para subir as mochilas cargadas cos neoprenos, preparados para unha xornada ben mariñeira.

Ás 9:40 puxémonos en movemento co noso Activa-T, ese momento de música e dinamismo que esperta o corpo e a mente antes das actividades principais. Pouco despois, cada grupo partiu cara á súa aventura particular:

• O Grupo 1 lanzouse á auga nunha divertida sesión de kaiak, remando en equipo e descubrindo o contorno mariño dende outra perspectiva.

• O Grupo 2 continuou co seu desafiante Raid-Escalada, superando probas físicas e cooperativas no medio da natureza.

• O Grupo 3 gozou dunha saída en bicicleta, percorrendo sendeiros e camiños rodeados de paisaxes verdes e aire limpo.

• O Grupo 4 participou nunha apaixonante sesión de Biomergullo, mergullándose na praia para coñecer a biodiversidade mariña con ollos científicos e curiosos.

Mentres tanto, algúns participantes preparaban as merendas e as comidas para as saídas da tarde, asegurándose de que nada faltase nas mochilas.

Tras rematar as actividades da mañá, tocou repoñer forzas cun bo xantar, seguido dun tempo para asearse e descansar. Pouco despois, o autobús partía cara ao río Xieira, onde agardaban novas experiencias.

Na tarde, os grupos volveron mergullarse en actividades ben diferentes:

• O Grupo 1 gozou da Diver-Praia, combinando xogos, exploración e momentos de lecer á beira do mar.

• O Grupo 2 colleu táboa e veu á auga cunha sesión de Ondaxe, aprendendo a moverse entre as ondas.

• O Grupo 3 participou na Sonaventura, unha actividade de retos, pistas e traballo en equipo que os mantivo ben activos.

• O Grupo 4 mergullouse na Supervivencia, aprendendo técnicas básicas para vivir e moverse na natureza de maneira segura e divertida.

Cando o sol empezaba a baixar, regresamos todos ao campamento cun sorriso e moitas anécdotas. As duchas deron paso a un ritmo máis tranquilo e prepararon o ambiente para a noite.

Despois da cea, compartimos emocións no noso caixón de lembranzas, e aínda quedaba o prato forte do día…

A velada propúxonos unha orixinal "Carreira da creatividade", onde a imaxinación e a risa foron as protagonistas. Para rematar o día, un conto baixo as estrelas axudounos a pechar os ollos con calma e ilusión.

Día 5

O día 5 chegou con forza, e con el, as ganas de seguir descubrindo todo o que a natureza e o campamento nos teñen preparado. Ás 8:30, como cada mañá, espertamos cun pouco de sono, pero co sorriso posto e preparados para unha nova xornada de experiencias.

No almorzo, mentres compartiamos pan, froita e conversas, os participantes do Raid-Escalada organizaban as súas mochilas con neoprenos. Preparábanse para continuar a súa expedición con todo o necesario para seguir vivindo a aventura a tope.

Ás 9:40, o corpo e a mente volveron a activarse co noso tradicional Activa-T, ese intre que nos conecta co movemento, a música e o espírito do grupo.

Logo, comezaron as actividades da mañá:

• O Grupo 1 percorreu camiños e carreiros en bicicleta, nunha actividade que mestura natureza, coordinación e traballo en equipo.

• O Grupo 2 mergullouse nunha nova sesión de Biomergullo, observando o fondo mariño, aprendendo sobre a vida silvestre da costa e reforzando o respecto polo medio ambiente.

• O Grupo 3 continuou coa súa ruta de Raid-Escalada, que mestura orientación, escalada e resistencia, sempre acompañados por monitores atentos e motivadores.

• O Grupo 4 volveu ás augas cunha sesión de kaiak, onde remar ao ritmo do grupo e gozar da tranquilidade do mar foi o plan perfecto para a mañá.

Mentres tanto, algúns monitores xa preparaban as meriendas e comidas para as saídas da tarde. A furgo con destino a surf e o coche cara a Baroña cargaban todo o necesario para que nada fallase no medio da acción.

Despois do xantar, chegou o tempo de aseo e descanso, seguido dun pequeno espazo libre antes de que algúns grupos collesen o bus cara ao río. A enerxía comezaba a renovarse mentres o sol seguía acompañando a xornada.

Ás 16:00, novas aventuras nos esperaban:

• O Grupo 1 participou na intensa e divertida Sonaventura, unha actividade onde os retos, os enigmas e a coordinación de grupo manteñen a adrenalina ben arriba.

• O Grupo 2 adentrouse nunha sesión de supervivencia, aprendendo habilidades básicas para orientarse, coidarse entre compañeiros e coñecer mellor o medio natural.

• O Grupo 3 gozou dunha nova rolda de Ondaxe, surcando ondas e perfeccionando o equilibrio sobre a táboa.

• O Grupo 4 compartiu xogos e aprendizaxes na praia coa actividade Diver-Praia, onde a exploración e o lecer camiñan da man.

Tras o fin de actividade, tocou un momento moi esperado: as duchas, ese instante de tranquilidade que transforma a area e o sal en comodidade e frescura.

Ás 22:00 comezou a velada do Harry Potter, da que só podemos dicir… que foi máxica, diferente, das que se lembran. As noites no campa sempre teñen ese toque especial que fai que calquera día peche en alto.

E como sempre, o final veu cun conto, que nos levou, coa súa voz suave, cara á escoita, ao recollo… e finalmente ao deitarse ás 00:00, con todo o vivido xa formando parte do noso verán. 

Día 6

O Día 6 espertou con aire de cambio e moitas emocións por diante. Ás 8:25, o equipo de monitores xa estaba nas escaleiras, preparados para recibir aos rapaces e rapazas coas súas habituais boas enerxías. Ás 8:30, comezaba oficialmente unha nova xornada no campamento.

Despois do almorzo, chegou o momento do noso Activa-T, que cada día se converte máis nun ritual de grupo: movemento, baile, música e moita risa para comezar con bo pé.

Ás 10:00, os grupos repartíronse para vivir diferentes experiencias pola mañá:

• O Grupo 1 deslizouse polas augas coas súas palas na actividade de kaiak, traballando a coordinación e gozando das vistas mariñas.

• O Grupo 2 participou en No-ndaxe, unha alternativa refrescante e divertida para quen busca ondas suaves e xogos a pé de praia.

• O Grupo 3 experimentou unha nova vertente da escalada, a Des-escalada, onde baixar tamén é parte do reto e require concentración e técnica.

• O Grupo 4 fixo unha saída en bicicleta, explorando novos camiños e fortalecendo o espírito de equipo.

Mentres tanto, os monitores e monitoras de vida libre estiveron acompañando e apoiando o desenvolvemento das actividades con coidado e atención.

Despois da comida —onde, como sempre, se respectaron tempos e dietas con organización e cariño— tivemos o aseo e un bo anaco de tempo libre, ideal para recargar enerxía, falar, debuxar ou simplemente descansar un pouco.

E chegou a tarde… con algo especial no aire.

Ás 16:00, toda a rapazada participou en dúas propostas moi diferentes pero igualmente potentes:

• Por un lado, o Gran Xogo: Paso do Estreito / Conectados, unha experiencia que combinou reflexión, empatía e retos cooperativos. Os participantes puxéronse na pel doutras persoas, xogando a "conectarse" e cruzar obstáculos reais e simbólicos. Un xogo que tocou emocións e deixou pegada.

• Por outro, unha Gymkana estilo Spartan, con probas físicas, barro, auga e moitas risas. Un percorrido desafiante, divertido e moi participativo, onde cada grupo puxo a proba as súas habilidades, a súa forza e, sobre todo, a súa capacidade de colaborar.

Despois das duchas, chegou a cena, momento no que o campamento enteiro se reúne e comparte sensacións, risas e descubrimentos do día.

A noite chegou con tempo libre para conversar, debuxar ou simplemente estar en compañía… e logo tocou a velada, un momento especial que transforma cada día nun recordo único. Esta noite, non adiantamos nada, só dicimos: foi unha desas que quedan gravadas.

E para pechar, ao conto, levándonos, coma sempre, a ese recuncho suave onde só quedan os pensamentos bonitos e o soño comeza a facer o seu traballo.

Ás 00:00, todo quedou en silencio. Mañá comeza unha nova xornada, pero hoxe… hoxe foi precioso.

Día 7

Xa pasaron sete días desde que comezamos esta aventura… e hoxe o campamento respira confianza, ritmo e unión. Cada grupo funciona coma un engranaxe afinado, cada rostro se recoñece con agarimo, e cada actividade se vive con máis intensidade que a anterior.

Ás 8:25, o equipo de monitores estaba preparado nas escaleiras para recibir o día. Ás 8:30, un novo bo día abriu paso á xornada.

O almorzo foi tranquilo, con momentos de conversa suave e ollos que aínda buscaban café ou zume. Ás 9:30, tocou o xa imprescindible Activa-T, para poñer o corpo en marcha e espertar o ánimo a ritmo de música e movemento.

Ás 10:00, os grupos separáronse para vivir unha mañá ben variada:

• O Grupo 1 participou nunha nova sesión de Biomergullo, mergullándose no litoral, observando o fondo mariño e aprendendo sobre as especies e o equilibrio do ecosistema costeiro.

• O Grupo 2 mergullouse (nesta ocasión, de forma artística) en Inmersión no Son, onde ademais de traballar a escoita e a creatividade sonora, comezaron a organizar un concurso de talentos. Esta mostra de habilidades celebrarase o último día do campa, e xa se comezaron a preparar actuacións: cancións, bailes, sketchs e máis dunha sorpresa. A ilusión estaba no aire… e algún que outro ensaio tamén!

• O Grupo 3 navegou en kaiak, desfrutando dun mar tranquilo e dunha actividade que combina técnica, coordinación e momentos de silencio compartido.

• O Grupo 4 seguiu coa súa experiencia de Raid-Escalada, superando tramos de orientación e trepando retos naturais con seguridade e compañeirismo.

Ás 13:45, varios monitores/as comeron antes para organizar as saídas do día. Os grupos de surf e escalada saíron con merendas e comidas listas para continuar coas súas rutas.

Tras a comida, chegou o tempo de aseo e un ben merecido tempo libre, aproveitado para descansar, falar, escribir… ou seguir ensaiando talentos 🎤💃

Ás 16:00, comezaron as actividades da tarde:

• O Grupo 1 completou a súa experiencia de Inmersión no Son, onde continuaron afinando os números que presentarán no talent show. A creatividade fluía, e xa se intuía que o escenario final será algo especial.

• O Grupo 2 lanzouse a unha nova Sonaventura, chea de pistas, retos en equipo e moita emoción compartida.

• O Grupo 3 gozou da Diver-Praia, xogando, explorando e desfrutando do contacto coa area e o mar nun ambiente libre e lúdico.

• O Grupo 4 surcou as ondas con Ondaxe, unha das actividades máis esperadas, onde o corpo e a táboa aprenden a bailar coa forza do mar.

Rematadas as actividades, chegou a hora das duchas, escoitáronse as primeiras cancións do talent e tamén risas que confirmaban: estamos no ecuador… e isto xa é familia.

A cena xuntou de novo ao campamento, e logo, un intre de tempo libre para relaxarse antes de que a noite nos traese… a velada (da que non imos revelar nada, porque o misterio tamén forma parte do encanto ✨).

E para rematar o día, Laura e Uxía contaron un conto, pechando os ollos do campamento cunha historia suave, envolvente e perfecta para soñar.

Ás 00:00, todo quedou en silencio… menos as ideas que seguen medrando para ese gran escenario do último día.

Día 8

O Día 8 chegou cargado de aprendizaxes e enerxía. A estas alturas do campamento, xa se nota que os grupos funcionan como verdadeiras tribos, onde cada pequeno xesto importa e cada experiencia se vive con intensidade. Hoxe tocou parar, pensar… e tamén bailar, rir e seguir creando.

Ás 8:25, o equipo de monitores xa esperaba nas escaleiras co seu habitual sorriso de bos días. Ás 8:30, espertamos ao campamento con tranquilidade e ás 8:55 sentámonos a almorzar, recollendo forzas para un día que sería especial.

A primeira proposta do día chegou en forma de mensaxe importante: unha acción educativa polo clima. Ás 9:30, comezamos cunha actividade grupal centrada no medio ambiente, onde reflexionamos sobre o noso impacto no planeta, os pequenos cambios que marcan a diferenza, e como ser parte da solución dende o que facemos cada día. Xogos, dinámicas, creatividade… e moitas preguntas que nos axudaron a mirar con novos ollos o mundo que habitamos.

A continuación, cada grupo continuou coa súa actividade da mañá:

• O Grupo 1 avanzou na súa ruta de Raid-Escalada, combinando tramos de orientación, destreza física e traballo en equipo nun entorno natural.

• O Grupo 2 gozou dunha nova sesión de kaiak, remando en harmonía e afianzando confianza sobre a auga.

• O Grupo 3 volveu ao mar para outra exploración de Biomergullo, observando a fauna mariña e entendendo mellor a vida que se agocha baixo as ondas.

• O Grupo 4 continuou con Inmersión no Son, onde a creatividade sonora se combina co traballo colectivo para seguir preparando o concurso de talentos do último día. Xa se escoitan ensaios de cancións, dramatizacións e algunha sorpresa máis...

Ás 11:30, saíron tamén os grupos de surf e escalada, con comidas e merendas listas, preparados para novas aventuras no exterior do campamento.

Despois do xantar, chegou o momento de aseo e tempo libre, pero con algo distinto: a esperada Diversiesta. Un espazo para descansar dun xeito creativo, con propostas tranquilas pero entretidas: escribir, debuxar, falar en grupo, ou simplemente estirarse na sombra co son das árbores como música de fondo. Un momento para baixar o ritmo sen perder a maxia.

Ás 15:50, un novo Activa-T puxo o corpo en marcha para recibir con ganas as actividades da tarde:

• O Grupo 1 desfrutou dunha intensa sesión de Ondaxe, desafiando ás ondas e gozando do mar en grupo, con monitores atentos e un ambiente divertido.

• O Grupo 2 participou na Diver-Praia, con xogos a pé de auga, liberdade de movemento e moita imaxinación.

• O Grupo 3 continuou a súa Inmersión no Son, afinando actuacións e reforzando a expresión a través da música, a voz e o corpo.

• O Grupo 4 participou nunha nova Sonaventura, chea de pistas, probas e cooperación, onde o traballo en equipo foi esencial.

Ao rematar a tarde, chegamos ás duchas, ese momento de relaxación no que a area e a salitre dan paso á comodidade e ao descanso. E tras iso, a cena, onde compartimos o mellor do día entre pan, froita e sorrisos.

Día 9

O Día 9 foi deses que quedarán gravados na memoria colectiva do campamento. Un día para mirar fóra, pero tamén para mirar cara dentro. Para compartir con quen nos rodea e preparar, con moito coidado e ilusión, a gran noite: o Talent Show.

Ás 8:30, comezamos a mañá con normalidade: espertar, almorzo, risas nas mesas e moita enerxía no aire. O Activa-T púxonos en movemento e, mentres tanto, o equipo de garda repartía chalecos, xa que a mañá ía ser especial: todo o campamento saíu xunto de excursión ao pobo.

A proposta central da mañá foi o xogo “Agranda o obxecto”, unha dinámica de creatividade e interacción que transformou unha saída nunha verdadeira aventura colectiva. A premisa era sinxela pero poderosa: partir dende un pequeno obxecto simbólico e, a través do intercambio e o trueque con veciños e veciñas do pobo, conseguir algo máis grande, máis útil ou máis curioso.

O campamento converteuse nunha caravana de grupos en movemento, cada un co seu obxecto, coa súa historia, e coas súas propias estratexias para negociar, contar, empatizar e conectar coa xente local. O máis importante non foi o que se conseguiu materialmente… senón todo o que se gañou como experiencia humana: encontros, sorrisos, anécdotas e ese sentimento de formar parte de algo máis grande.

O resultado foi moito máis que unha colección de obxectos: foi unha mañá de historias compartidas, de encontros espontáneos e de aprendizaxes que non caben nun caderno. O pobo acolleu con amabilidade, e a rapazada respondeu con ilusión e respecto.

Despois da actividade, non volvemos ao campamento para comer. Comemos no propio pobo, nun espazo agradable ao aire libre, onde cada grupo compartiu o que levara, comentaron como lles fora a experiencia e descansaron antes de retomar a tarde.

Ás 18:30, xa de volta no campamento, tocou un tempo para duchas e organización de maletas, co xa clásico "mercadillo de tendais" incluído: camisetas reencontradas, calcetíns misteriosos e moita colaboración para deixar todo listo de cara ao día seguinte.

Aínda con algo de area nos pés e emoción nos ollos, comezaron os preparativos finais do Talent Show. Uns ensaiaban, outros montaban escenario, algúns axudaban con luces ou vestiario. Mentres tanto, no fondo do campamento, a caixa do buzón de despedida ía quedando cada vez máis chea de mensaxes anónimas, emotivas e cheas de gratitud.

A velada non defraudou: o Talent Show foi un estoupido de creatividade, valentía e compañeirismo. Cancións, bailes, maxia, obras de teatro, improvisación... Todo tivo cabida nun escenario que, máis que un espectáculo, foi unha celebración do que somos cando confiamos uns nos outros.

Día 10

Chegou o día que ninguén quería marcar no calendario: o último día do campamento. Ese momento no que as mochilas pesan máis, non pola roupa… senón por todo o vivido, compartido e sentido.

Esta mañá, o campamento non soou como outros días. Non houbo música de Activa-T, nin carreira cara ás actividades. Hoxe o tempo fíxose máis lento. Cada quen buscaba un momento para dar unha aperta, pedir un número de teléfono, escribir unha nota de despedida ou simplemente sentarse ao lado de alguén e estar en silencio.

Durante a mañá, repartímonos entre recoller tendas, limpar espazos e deixar todo como estaba cando chegamos. Pero, por riba de todo, preparámonos para dicir adeus.

Houbo bágoas, por suposto. Pero tamén moito agarimo, moita mirada sincera e moitas palabras bonitas. Alguén dixo: "non choro porque estea triste, choro porque foi tan bonito que custa soltar". E diso se tratou: de soltar agradecendo.

Queremos rematar esta aventura dando as grazas.

🟢 Grazas a cada participante por ser tan educado, tan respectuoso, tan coidadoso co espazo e cos demais. Por pedir por favor, por dar as grazas, por escoitar, por preguntar, por colaborar, por poñelo fácil.

🟢 Grazas ás familias, pola confianza, pola comunicación e por permitirnos formar parte do camiño vital das vosas fillas e fillos.

🟢 E grazas ao propio campamento —este espazo que xa non é só un lugar, senón un fogar compartido durante dez días que quedaron curtos.

Se queres, podes deixar un comentario neste blog contando algo positivo que che compartiran nas chamadas ou simplemente mandando un saúdo e moito agarimo. A vosa participación tamén forma parte desta aventura 💚
Animádevos a comentar! Facémolo entre todas e todos máis humano, máis real… máis campamento.